Kryetari i Komunës së Bujanocit, Shaip Kamberi, në një intervistë të dhënë për arbresh.info, ka deklaruar se Beogradi, deri më tani nuk ka ndihmuar Komunën e Bujanocit për tu përballur me situatën e krijuar nga pandemia Covid-19.

Ai duke theksuar se deri më tani në Bujanoc nuk ka asnjë shqiptar të prekur me koronavirus, thotë se kërkesë për donacione kanë bërë edhe në Qeverinë e Shqipërisë dhe tashmë janë në pritje.

“Deri më tani kemi pasur vetëm katër persona të prekur me koronavirus, tre prej të cilëve janë shëruar. Asnjë shqiptar nuk është i identifikuar me virus, pra situata është nën kontrolle. Shqetësimin se Serbia nuk po na ndihmon gjatë pandemisë e kemi dërguar te kryeministri Kurti, i cili dhe na dërgoi këto ndihma. Të njëjtin gjë e kemi kërkuar edhe nga Shqipëria, por deri më tani nuk kemi asnjë përgjigje. Shpresojmë që të na marrin parasysh. Kemi kontaktuar edhe me presidentin (Hashim) Thaçi, në fillim të krizës, i cili ka marrë informacione në lidhje me situatën”, tha Kamberi./AlbanBegolli/arbresh.info/

?VIDEO Me paratë e Kosovës, Bujanoci blenë automjete për policinë e Serbisë, është në dijeni edhe Kurti